बागलुङको बरेङ गाउँपालिका स्तरीय सिकाइ उपलब्धि मापन परीक्षाको सम्पूर्ण तयारी पूरा‚ जम्मा ५९२ जना विद्यार्थी परीक्षामा सहभागी हुँदै
बागलुङको बरेङ गाउँपालिका स्तरीय सिकाइ उपलब्धि मापन परीक्षाको सम्पूर्ण तयारी पूरा गरेको जनाएको छ ।
आज शुक्रवार सूचना जारी गर्दै पालिकाले भोलि सञ्चालन हुन गैरहेको परीक्षाको सम्पूर्ण तयारी पुरा भएको जानकारी गराएको हो । उपलब्धि मापन परीक्षामा कक्षा ५ को अङ्ग्रेजी‚ कक्षा ८ को विज्ञान र कक्षा १० को गणित विषयको परीक्षा सञ्चालन हुने बरेङ गाउँपालिकाका शिक्षा शाखा प्रमुख सूर्य प्रसाद शर्माले बताउनुभयो ।
परीक्षामा कक्षा ५ का विद्यार्थी १८८ कक्षा ८ का २०५ र कक्षा १० का १८९ गरी जम्मा ५९२ जना विद्यार्थी परीक्षामा सहभागी हुँदैछन्‚ परीक्षा ११ बजेदेखि २ बजेसम्म सञ्चालन हुनेछ ।
जसअनुसार पालिका भरिमा जम्मा ५ केन्द्रहरू निर्धारण गरिएको बताउँदै शर्माले सबै केन्द्राध्यक्षहरूलाई प्रश्नपत्र र उत्तरपुस्तिका हस्तान्तरण गरिएको बताउनु भयो । सबै विद्यालयहरूले विद्यार्थीहरूलाई १ जना शिक्षक सहित १० बजेनै तोकिएको परीक्षा केन्द्रमा पुर्याउन र परीक्षा मर्यादित र भयरहित वातावरणमा सम्पन्न गर्न पालिकाले अनुरोध गरेको छ ।
« साउन देखी फाल्गुन सम्म २ सय १० जनाले बरेङ छोडे «
» भृकुटी माध्यमिक विद्यालयका कराते खेलाडी विद्यार्थीलाई बेल्ट र प्रमाणपत्र प्रदान »
