बरेङ गाउँपालिकाका २ विद्यालयमा शैक्षिक अवलोकन
भुमा मगर ।२०८२ जेठ २६ ।बरेङ गाउँपालिकाका २ विद्यालयमा शैक्षिक अवलोकन गरिएको छ ।
बरेङ गाउँपालिका वडा नं. १ लिउँवास्थित धुल्लुलिउँवा माध्यमिक विद्यालय र वडा नं. २ बरेङ बजारस्थित सर्वोदय माध्यमिक विद्यालयमा सोमबार विद्यालय अनुगमन तथा कक्षागत अवलोकन गरिएको हो ।
शिक्षा विकास तथा समन्वय इकाई बाग्लुङका इकाई प्रमुख प्रकाश बन्धु अर्याल ,शाखा अधिकृत दल बहादुर थापा, प्राविधिक सहायक प्रकाश सुवेदी, विषय विज्ञहरु कृष्णप्रासाद आचार्य ,खिम बहादुर पुन, र नाम बहादुर थापाको उपस्थितिमा भएको विद्यालय अनुगमनमा विद्यालयको भौतिक शैक्षिक अवस्था, शिक्षण सिकाइको कक्षागत अवस्था र विद्यालयको समग्र शैक्षिक व्यवस्थापनलगायत विविध विषयमा अवलोकन गरिएको विषयविज्ञ नाम बहादुर थापाले जानकारी दिनुभयो ।
अनुगमन पश्चात टोलीले विद्यालयमा विद्यार्थी केन्द्रित शिक्षण सिकाइ र विद्यालयको लेखा प्रणालीलाई थप प्रभावकारी बनाउन सुझाव दिएका थिए ।
« रोजगार रणनीति निर्माणका लागि रोजगार संवाद मञ्च कार्यक्रम, भए यस्ता निर्णय «
» बरेङको आगामी आर्थिक बर्षको निति कार्यक्रम तथा बजेट सर्वसम्मतिले पास »
