बागलुङ बाटाकाचौरका २०१ विद्यार्थीलाई तालिम
केशबराज क्षेत्री, बरेङ बागलुङ, २२ जेठ २०७६ । बागलुङको बरेङ गाउँपालिका कार्यालयको आयोजनामा बिद्यार्थीहरुका लागि तयारी खानेकुरा तथा लागुपदार्थ सेवन न्यूनीकरण र किशोरीहरुको लागि किशोरी प्रजनन स्वास्थ्य शिक्षा सम्बन्धि तालिम मंगलबार बरेङ गाउँपालिका वडा नम्बर ३ बाटाकाचौरमा अवस्थित शारदा माध्यमिक विद्यालयमा भएको छ ।
समाजमा नारीहरु महिनावारी हुँदा समाजले हेर्ने दृष्टिकोण फरक छ विकट ठाउँमा झ्न छाउघर बनाएर छुट्टै राख्ने प्रचलन छ त्यस्तो गर्दा रोग लाग्ने सम्भावना बढी हुन्छ अझ छोइन हुँदैन भित्र जान हुँदैन भन्ने जुन भ्रम छ त्यसलाई चिर्नको लागि र महिनावारी हुने भनेको नारी परिपक्व भएपछी नियमित हुने प्रक्रिया हो त्यसैले महिनावारीको बारेमा शिक्षित नारीपुरुष खुलेर समाजलाइ बुझाउन सक्नुपर्दछ । महिनावारी हुँदा सेनेटरी प्याड्को प्रयोग, दैनिक सरसफाइ गर्नुपर्दछ भन्ने कुराहरुको समाधान गर्ने उद्देश्यका साथ किशोरीहरु मार्फत जनचेतना फैलाउनको लागि तालिम गरिएको सुआहारा कार्यक्रमको हेल्थ सुपरभाइजर हरिमाया थापाले बताइन् ।
त्यस्तै समाजका युवा पुस्तामा त झन धूम्रपान र मद्यपान सेवनले गर्दा झैझगडा, दुर्व्यवहार, बलात्कार जस्ता घटना घटिरहेका छन् । लागुपदार्थ सेवनका कारण उमेर नपुग्दै मृत्यु हुने सम्भावना प्रबल रहेको र यसको बारेमा बेलैमा युवा पुस्ताले बुझ्नु जरुरी रहेको इलाका प्रहरी कार्यालय बरेङ डाडाका प्रहरी सहायक निरीक्षक विनोद पुडासैनीले बताए । तालिममा बरेङ गाउँपालिकाका स्वास्थ्य प्रमुख पदमबहादुर पुनले विद्यालयमा अध्ययनरत विद्यार्थीहरु जङगफुडजन्य खानेकुरा खान अत्यन्तै रुचि राख्ने, कसरी छिटो भोजन गर्ने भन्ने चलन छ ति खानेकुराले बालक देखि वृद्ध सम्मका व्यक्तिहरुको स्वास्थ्यमा नराम्रो असर परिरहेको थाहा पाएका छैनन् । त्यसैले प्रोटिन र पौष्टिक आहारको कमी भइरहेको छ यसको बारेमा चेतना जगाउनु जरुरी रहेको बताए ।
त्यस्तै विद्यार्थीहरुलाई चेतनामूलक तालिम बाट लजाउने, डराउने अवगुण हटाइ समाज रुपान्तरण लागि उनिहरुलाई नै अग्रसर बनाउन तालिमको महत्वपूर्ण भूमिका हुने स्वास्थ्य प्रमुख पुनले बताए । कक्षा ८ देखि १२ सम्म का गरी जम्मा २०१ जना विद्यार्थीहरुको सहभागिता रहेको तालिममा सोही विद्यालयमा अध्यापनरत शिक्षक शिक्षिकाहरुको पनि उपस्थिति रहेको थियो ।
तालिम बरेङ गाउँपालिकाको सल्यान र सुखौरामा सम्पन्न भैसकेको छ भने बाकि विद्यालयमा जेठ २७ बाट सुरु हुने आयोजकले जानकारी दिएको छ । तालिमको सहजीकरण बरेङ गाउँपालिकाका स्वास्थ्य प्रमुख पदमबहादुर पुन, सुआहारा कार्यक्रमको हेल्थ सुपरभाइजर हरिमाया थापा, इलाका प्रहरी कार्यालय बरेङका प्रहरी सहायक निरीक्षक विनोद पुडासैनी ले गरेका थिए भने सुरुवात शारदा मा वि बाटाकाचौरका प्रध्यानाध्यापक देबिदत्त पौडेलले गरेका थिए ।
« बरेङ गापाका महिलाहरुलाई सिप विकास तालिम, कतै सम्पन्न कतै जारि । «
» बरेङ गापाद्वारा बरेङ बजारमा सार्बजनिक सुनुवाई, योजनाको प्रभावकारी कार्यन्वयनमा सहभागिको जोड । »
