प्रगतिशिल पत्रकार संघ उपशाखा वरेङद्वारा पत्रकार राना बचाउ अभियान शुरु
प्रेम पुन बरेङ । १५ आषाढ २०७५ । पत्रकार महासंघ बागलुङ शाखाका कोषध्यक्ष विजय राना बचाउ अभियान अन्तर्गत शुक्रबार प्रगतिशिल पत्रकार संघ उपशाखा वरेङले आर्थीक संकलन अभियान सुरु गरेको छ ।
प्लास्टिक एनिमिया (शरिरले रगत उत्पादन गर्न नसक्ने) रोगबाट ग्रसित रानाको उपचारका लागी परिवारको आर्थिक अवस्थाले सम्भव नभएकाले पत्रकार महासंघ बागलुङले देशैभर शुरु गरेको एक पत्रकार १ सय अभियान लाई हातेमालो गर्दैै जीवन रक्षाका लागी सो अभियान बरेङमा पनि चलाइएको प्रगतिशिल पत्रकार संघ उपशाखा वरेङका अध्यक्ष जीवन पौडेलले बताउनुभयो ।
अभियानको पहिलो दिनमै करीब ३५ हजार संकलन भएको छ । सो संकलित रकम राना बचाउ अभियानको खातामा संकलन गरीने पौडेलले बताउनुभएको छ ।
विगत १ महिना देखी उपचारत रानाको उपचारका लागी १२ देखी १४ लाख खर्च हुने अस्पतालले जानकारी दिए अनुसार पत्रकार महासंघ बागलुङले सो अभियान चलाएको हो । पत्रकार राना बागलुङमा सकृय पत्रकारीतामा अग्रसर हुुनुहुन्छ । हाल उहाँ पत्रकार महासंघ बागलुङ शाखाका कोषाध्यक्ष, प्रगतिशिल पत्रकार संघ बागलुङ शाखाका सचिव,परिसुचन साप्ताहिकका कार्यकारी सम्पादक लागएतमा कार्यरत हुनुहुन्छ । उहाँको उपचारको लागी तपाईको पनि सहयोगको लागी अपील गरीन्छ ।
« सर्बोदय माबिका शिक्षक तथा एसईई परिक्षा उत्तिर्ण बिद्यार्थीहरुलाई सम्मान । «
