रेडियो बिहानीको अनलाइन तिज कम्पिटिशन दोस्रो चरणमा भिड्ने प्रतियोगी (सूचिसहित) कस्को पालो कहिले ?
केशबराज क्षेत्री बरेङ । २०७६ साउन ३१। रेडियो बिहानीले विगत ४ वर्षबाट तिजको अवसर पारेर करिब एक महिनाको अवधिभर सञ्चालन गर्दै आएको अनलाइन तिज कम्पिटिशन यस वर्ष पनि जारी रहेको छ ।
गाउँठाउँमा लुकेर रहेका प्रतिभाहरुको प्रस्फुटन गर्ने गरी तिज विशेष कार्यक्रम सञ्चालन गरिएको बताइएको छ । अन्य कलाकारको लयमा प्रतियोगी आफैले लेखेका नारीका कथा व्यथा, सामाजिक समसामयिक विषयवस्तु, विकृति विसङगति विरुद्ध गित मार्फत प्रतिभा प्रस्फुटन गरिरहेको रेडियोले बताएको छ ।
बागलुङको बरेङ गाउँपालिका १ बरेङ बजारमा अवस्थित सामुदायिक रेडियो बिहानी ८९ मेघाहर्जको अनलाइन तिज कम्पिटिशनको १६ दिनसम्म चलेको छनोट चरणको कार्यक्रममा बागलुङ, गुल्मी, पाल्पा, स्याङ्जा, पर्वत, प्युठान, अर्घाखाची, तनहुँ र कास्की जिल्लाका विभिन्न ठाउँबाट करिब ८० जना प्रतियोगी सहभागी भएका थिए, जसमध्ये ३२ जना दोस्रो चरणमा प्रवेश गरेको कार्यक्रम प्रस्तोता प्रेम पुनले बताए ।
दोस्रो चरणमा प्रवेश गरेका प्रतियोगीहरु बीचको प्रतिष्पर्धा शनिबारबाट ८ दिनसम्म चल्नेछ । दिनको ४ जनाको दरले प्रतिष्पर्धा हुने साथै एकजनाले ४ टुक्का गाउनुपर्ने कोर्डिनेटर प्रकाश छन्त्यालले बताए । अन्तिम चरणसम्म पुगेर बिजेता र उपबिजेता हुने सहभागिलाई नगद पुरस्कार साथै प्रमाणपत्रद्धारा सम्मान गरिने रेडियोले जानकारी गराएको छ । ।
दोस्रो चरणमा प्रवेश गरेका प्रतिष्पर्धीहरुको समय तालिका – २०७६
साउन ३२ गते – १. सरिता सुनार २. मिना सुवेदी ३.चमेली शर्मा ४.पवित्रा किसान
भाद्र १ गते – १. अर्जुन कार्की २. जिया मगर ३.आषिका मगर ४.डिना पाण्डे
भाद्र २ गते – १ं कुमारी विसी २. दुर्गेश थापा ३. अमिसा मगर ४. रितु के.सी
भाद्र ३ गते – १. विष्णु बोहोरा २. आकृति राना ३. चादनी शर्मा ४.रेजिना काउचा
भाद्र ४ गते – १.पूर्णिमा वि.सी २. विरु बोहोरा ३. पुनम मगर ४. योस्ना अधिकारी
भाद्र ५ गते – १. सुनिता परियार २.रिया मगर्नी ३. सोनिया थापा ४. सिता थापा
भाद्र ६ गते – १.नरबहादुर राना २.रिया परियार ३. अन्जु थापा ४.निरु वि.सी
भाद्र ७ गते – १.सुमित्रा नेपाली २. सिन्धु वि.सी ३. प्रेम मगर ४.भुमिका बोहोरा
« रेडियो बिहानीको कार्यक्रम अनलाइन तिज कम्पिटिशन जारी, ३२ प्रतियोगी दोस्रो चरणमा भिड्दै «
