जैमिनी ब्यारथला मैदानको एनसिएल टावरमा आगलागी !
केशबराज क्षेत्री, बागलुङ । २०७६ साउन ३१ । बागलुङको जैमिनी नगरपालिका वडा नम्बर ७ जैदी व्यारथला मैदानस्थित एन सि एल टावरमा आगलागी भएको छ ।
अज्ञात समूहद्धारा तेल छर्केर बिहीबार राति आगलागी भएको अनुसन्धानमा खुलेको बताइएको छ । एनसिएल टावरको व्याट्रीका तारहरु जलेर नष्ट भएका छन् । आगो राति आफैँ नियन्त्रणमा आएकोले बढी क्षति हुनबाट भने जोगिएको इलाका प्रहरी कार्यालय बरेङ डाडाका प्रहरी नायब निरीक्षक दानबहादुर केसीले बताए ।
कसले किन लगाएको भन्ने जानकारी नभएको स्थानीयले बताएका छन् । घटनाको मुचुल्का उठाइएको र यस बारेमा अनुसन्धान हुने प्रहरीले बताएको छ ।
« रेडियो बिहानीको अनलाइन तिज कम्पिटिशन दोस्रो चरणमा भिड्ने प्रतियोगी (सूचिसहित) कस्को पालो कहिले ? «
