दशैँ नजिकिए सँगै बुटवल बरेङ खण्डको मोटरबाटो सरसफाई
प्रकाश छन्त्याल, बरेङ । २०७६असोज १० । निरन्तरको अविरल वर्षाका कारण अवरुद्ध भएका बुटवल बरेङ खण्डको मोटरबाटो सरसफाई कार्य सम्पन्न भएको छ ।
बागलुङको बरेङ गाँउपालिकाले दशैँ नजिकिए सँगै अवरुद्ध भएका मोटरबाटो सरसफाई कार्य शुक्रबार सम्पन्न गरेको हो ।
बरेङ गाँउपालिका अध्यक्ष कृष्ण प्रसाद शर्माको बिशेष पहल तथा गाँउपालिका ईन्जिनियर कृष्ण थापाको निगरानीमा बाटो सरसफाई भएको बताइएको छ । यात्रुहरुलाई बाटो हिड्न असहजता भएकोे गुनासो आएपछि गाउँपालिकाको पहलमा अवरुद्ध मोटरबाटो सरसफाइ गरिे समाधान गरिएको पालिकाले बताएको छ ।
बुटवल बरेङ खण्डको मोटर बाटोमा आजबाट साना तथा ठुला गाडी सहजताका साथ आवत जावत गर्न सक्ने बरेङ गाँउपालिका सब ईन्जिनियर अनकलाल शर्माले रेडियो बिहानीलाई जानकारी दिएका छन् ।
« बागलुङ सेवा समाज क्यानडाद्वारा सर्वोदय माविका विद्यार्थीलाई छात्रवृत्ति । «
