धुल्लुबाँस्कोटका पहिरो पिडितलाई बागलुङ समाज पोखराद्वारा राहत प्रदान ।
प्रकाश छन्त्याल, लुरुङ । १७ आषाढ २०७५ । गत सोमबार राति परेको वर्षाका कारण पहिरोमा परि ज्यान गुमाएका धुल्लुबास्कोटका विष्णु बहादुर क्षेत्रीका घरपरिवार तथा धुल्लुबास्कोटका विस्थापित घरपरिवालाई बागलुङ समाज पोखराले नगद रु १ लाख १ हजार १ सय ११ रुपैया आर्थिक सहयोग सहयोग गरेको छ ।
बागलुङ समाज पोखराका अध्यक्ष कुलचन्द्र शर्मा र सदस्य द्वय भागिरथ शर्मा र तिलक थापा, बरेङ गाउँपालीकाका अध्यक्ष कृष्ण प्रसाद शर्मा लगाएतको टोलिले मृतक तथा विस्थापित परीवारका घरमै पुगेर आर्थिक सहयोग गरेको होे ।
अध्यक्ष शर्माले घरबास गुमाएकाहरुका लागी क्षतिको प्रकृति हेरेर राहत हस्तान्त्रण गरिएको बताउँदै देश विदेशमा रहेका सम्पुर्ण व्यक्ति संघसस्था लगाएतालई सहयोगको लागी अपील गरिएको समेत बताउनुभएको छ ।
प्राप्त राहतको सूचि अनुसार मृतकका छोरीहरु मञ्जु क्षेत्री र अस्मिता क्षेत्रीलाई एकमुष्ठ रु १ लाख १ हजार १ सय ११ र पदम बहादुर के.सी. का छोरा बर्ष ८ का मौषम केसी लाई रु ५ हजार ५ रुपैया राहत रकम हस्तान्तरण गरिएको छ ।
सोमबार राति परेको बाढिले धुल्लुबास्कोट लुरुङका विष्णु बहादुर क्षेत्री सहीत उहाँकी श्रीमति विष्णुमाया र ३ महिने छोरीको ज्यान गएको थियो भने धुल्लुबास्कोट र हुग्दिशिरमा गरी ३८ घरपरिवार विस्थापित भएका छन भने करोडौँको खेतबारीमा क्षेति पु¥याएको थियो ।
