माध्यमिक शिक्षा एस.इ.इ को परीक्षा चैत्र ६ गतेबाट सुरु हुने
काठमाडौं । २०७६ पौष १ । माध्यमिक शिक्षा परीक्षा एस. इ. इ कक्षा १० को परीक्षा चैत्र ६ गतेबाट सुरु हुने भएको छ । सोही अनुसार बोर्डले नियमित, ग्रेडवृद्धि तथा प्राविधिक तर्फको परीक्षा समय तालिका सार्वजनिक गरेको छ ।
राष्ट्रिय परीक्षा बोर्डको मिति २०७६ मंसिर ३० को निर्णयानुसार २०७६ सालको एस .इ. इ परीक्षा चैत्र ६ बाट हुने गरी परीक्षा नियन्त्रण कार्यालय सानोठिमी भक्तपुरले समय तालिका सार्वजनिक गरेको हो ।
बिहान ८ बजेबाट ११ बजे सम्म हुने गरी चैत्र ६ गते बिहीबार अनिवार्य अङग्रेजी र वेदविद्याश्रमतर्फ अनिवार्य संस्कृत भाषा र साहित्य, चैत्र ७ गते शुक्रबार अनिवार्य नेपाली, चैत्र ९ गते आइतबार अनिवार्य गणित हुने सूचनामा उल्लेख छ ।
कुनै आकस्मिक विदा पर्न गएमा पनि परीक्षा नियन्त्रण कार्यालयको पूर्वसूचना बिना परीक्षा स्थगित नहुने समेत जानकारी गराइएको छ ।
« सुखौरामा सार्वजनिक सुनुवाई, प्रथम चौमासिकका ७५ प्रतिशत योजना सम्पन्न । «
» सार्वजनिक सुनुवाइ ! बिषयगत कार्यलय प्रमुखहरु जिम्मेवार बन्नुप¥यो ः सहभागी »
