मोवाईल नेटवर्कविहीन गुल्मी ग्वाघाका बासिन्दा ःडाँडा खोज्दै हिड्नुपर्ने बाध्यता
हरिकुमार केसी, गुल्मी । २०७६ पौष २१ । जिल्लाको चन्द्रकोट गाँउपालिका ५ ग्वाघामा मोवाईल नेटवर्क नहुँदा स्थानीयले सास्ती खेप्दै आईरहनु परेको छ ।
नेपाल टेलिकम र प्राईभेट कम्पनी एनसेलले अहिलेसम्म यस स्थानमा नेटवर्क विस्तार गर्न नसक्दा स्थानीयहरु मर्कामा पेरका छन् । स्थानीय निकाय सँगै सामाजिक विकास मन्त्री सुदर्शन बराललाई समेत समस्याबारे जानकारी गराइएको र पहल गर्ने आश्वासन मात्र दिएको तर समाधान नभएको स्थानीयहरु बताउछन् ।
गाँउपालिकको वडा नम्वर ५ ग्वाघा अन्तर्गत पर्ने फुर्सेपखरा, किटेनी, जोगिस्थान, मसरा लगायतका स्थानमा फोन गर्नको लागी अग्लो ठाउँ खोज्दै हिँड्नु पर्ने बाध्यता रहेको स्थानीय श्याम बिसीले जानकारी दिए ।
२१ औं सताब्दिको डिजिटल युगमा समेत मोवाईल नेटवर्कको समस्या हुँदा यस क्षेत्रका बासिन्दाहरुलाई निकै समस्या हुने गरेको छ । सम्बन्धित निकायको ध्यान कहिले जाला ? वडाका करिव १५० घरधुरिले मोवाईल नेटवर्कको प्रयोग गर्न नपाउँदा सास्ति खेप्दै आईरहेका छन् ।
