सुदलामा प्रहरी चौकी स्थापना हुने ः जग्गा निःशुल्क उपलब्ध
केशबराज क्षेत्री,बरेङ । २०७६ माघ १० । बरेङ गाउँपालिका कार्यालय हुग्दिशिर सुदलामा प्रहरी चौकी स्थापना हुने भएको छ । चौकी स्थापनाका लागि निःशुल्क जग्गा उपलब्ध भएको छ ।
नेपाल सरकारको गाउँपालिका तथा नगरपालिकाको पाएक पर्ने स्थानमा प्रहरी चौकी स्थापना गर्ने नीति अनुसार बागलुङको बरेङ गाउँपालिका कार्यालय हुग्दिशिर सुदलामा प्रहरी चौकी स्थापना हुन लागेको हो ।
बरेङ गाउँपालिका वडा नम्बर २ हुग्दिशिरका स्थानीय दधिराम शर्माले पालिका कार्यालय नजिकै रहेको पाँच रोपनी तीन आना आफ्नो नाममा रहेको जग्गा प्रहरी चौकी स्थापनाका लागि निःशुल्क उपलब्ध गराएका छन् । शर्माले बिहिबार जिल्ला प्रहरी कार्यालय बागलुङका प्रहरी प्रमुखलाई जग्गाको लालपुर्जा समेत हस्तान्तरण गरका छन् ।
पालिकामा धैरै संवेदनशिल काम गर्नुपर्ने तर सुरक्षा पाउन असहज भएकाले प्रहरी आवश्यकता थियो । गाउँ घर मै प्रहरी चौकी भएपछि स्थानीयले सहज रुपमा शान्ती सुरक्षा पाउन सक्ने भन्दै शर्माले जग्गा उपलब्ध गराएको बताए ।
प्रहरी चौकी स्थापनाका लागि निःशुल्क जग्गा उपलब्ध भएको खबर प्राप्त भएपछि शान्ती सुरक्षा सहजै पाइने हुनाले स्थानीय हर्षित भएका छन् ।
बागलृुङकै निसीखोला, ताराखोला गाउँपालिका र बागलुङ नगरपालिका वडा नम्बर ६ पञ्चकोटमा प्रहरी चौकी स्थापना हुने प्रहरी कार्यालय बागलुङका प्रमुख प्रहरी उपरिक्षक नवराज भट्टले जानकारी दिए ।
« सुत्केरी महिलालाई पोषिलो झोला, उज्यालो भविष्य बालबचत कार्यक्रम «
