छतबाट खसेर १५ महिने बालिकाको मृत्यु
बिहानी संवाददाता, बागलुङ । २०७६ माघ २० । बागलुङ नगरपालिका–१ रामरेखामा घरको छतबाट खसेर एक बालिकाको मृत्यु भएको छ ।
काठेखोला गाउँपालिका–८ लेखानी घर भई हाल रामरेखामा आफन्त सिता विकको घरमा बस्दै आएकी बिमला विकको १५ महिनाकी छोरी दिपसिना विक आईतबार दिउँसो घरको छतमा खेलिरहेको बेला भुईमा खसेर मृत्यु भएको जिल्ला प्रहरी कार्यालय बागलुङले जनाएको छ ।
छतबाट खसेर घाइते भएकी विकलाई धौलागिरी अञ्चल अस्पतालमा सामान्य उपचारपछि मणिपाल शिक्षण अस्प्ताल पोखरामा पठाइर्एपनि अस्पतालले गएराती नै मृत घोषणा गरेको थियो ।
