बिग्रिन त मात्र एकफेर बिग्रिएकी हौँ

५ मुक्तक ,२४ बैशाख २०७७ ।

१)

बिग्रिन त मात्र एकफेर बिग्रिएकी हौँ,

राम्रो सङ्ग विचार नपुगेर बिग्रिएकी हाँै

यहाँ मान्छे समय बिताउन आउँछन्

तिमी जिन्दगी सोचेर बिग्रिएकी हाँै ।

२)

आफन्तजन टाढा भए के गर्छौ

तिम्रो साथ छोडी गए के गर्छौ

भन्न त मतलब हुँदैन भनौंला

सधैंभर त्यस्तै रहिरए के गर्छौ ?

३)

तिम्रो दिलभित्र बास नदिने भयौं

खै के कारणले खास नदिने भयौं

माया शब्दको अर्थ त ममता हुनुपर्ने

तिमीले त त्यसको आभास नदिने भयौं !

४)

म जीवन गुजारेकै छु गिट्टी कुटेर

सडकमै खान्छु सडकमै सुतेर

गाउँ भुल्नुभयो नेता ज्यु महलमा पुगेपछि

कहिले आउनुहुन्छ उम्मेदवार उठेर

५)

आफ्नो सोच अनि व्यवहार परिवर्तन गर

यो समय परिस्थिति अनुसार परिवर्तन गर

मनै देखी सोच्ने गर आफैलाई हानी गर्छ

तिम्रो त्यो अहमकार परिवर्तन गर ।

केशवराज क्षेत्री

बरेङ गापा २ बाग्लुङ ।

बिहानी बहुद्धेश्यीय सहकारी संस्था