कोरोना पोजेटिभ राखिएको आइसुलेसनमा किन प्रवेशगरे ६३ वर्षीय पुरुष
बरेङ । २०७७ भाद्र १ १। बाग्लुङको बरेङ गाउँपालिका वडा नम्बर २ हुग्दिशिर साविकको वडा नम्बर ५ स्थित सामुदायिक भवनको आइसुलेसनमा बुधबार स्थानीय ६३ वर्षीय पुरुष प्रवेश गरेपछि क्वारेन्टाइनमा राखिएको छ ।
भारतको हैद्रवादबाट आएका र गत साउन २९ गते स्वाव लिदा एकाघरका ४ जना श्रीमान श्रीमती र दुई छोरा मध्य रिपोर्टमा श्रीमती र ६ वर्षीय छोरालाई कोरोना पोजेटिभ देखिएको तर उनिहरु छुट्टिएर बाहिर जान नचाएकोले सोही सामुदायिक भवनमा नै आइसुलेसन खडा गरिएको थियो । त्यही आइसुलेसन गराइएको स्थानमा ती स्थानीय प्रवेश गरेको र स्थानीयहरुले किन के का लागि प्रवेश गरेको भनेर प्रश्न गर्दा उनले नखुलाइएकोले उनलाई क्वारेन्टाइनमा राखिएको कोरोना सचेतना तथा टोल निगरानी समितिका संयोजक धनिश्वर पौडेलले बताए ।
स्थानीय युवा,बुद्धिजीवी मिलेर ती वृद्द्लाई उनकै घरको छुट्टै कोठामा क्वारेन्टाइन निर्माण गरि राखिएको र कोरोना पोजेटिभ देखिएकाको पुनः अर्को रिपोर्ट नआउन्जेल बाहिर ननिस्कन सुझाव दिइएको समितिमा संयोजक पौडेलले जानकारी दिए
