बेपत्ता युबती १३ बर्ष पछि परिवारको सम्पर्कमा ः सामाजीक संजाल फेसबुक बरदान साबित
दिपेन्द्र परियार १८ भदौ।०७७।बेपत्ता भएको १३ बर्ष पछि सामाजीक संजाल फेसबुक मार्फत एक युवती परिवारको सम्पर्कमा आएपछि परिवारमा खुसी छाएको छ ।
बरेङ गाँउपालिका वडा न ४ सल्यानकी दिपा क्षेत्री हराएको १३ बर्ष पछि परिवारको सम्पर्कमा आएको वडा अध्यक्ष लिल बहादुर खत्रीले बताए ।
बेपत्ता हुनु अघि गाँउमै एक ब्यक्ति सँग प्रेम बिबाहगरेर भारत गएकी उनको पारिवारिक सम्बन्ध सहज नभएपछि क्षेत्री भारतबाटै एकाएक बेपत्ता भएको र अहिले १३ बर्ष पछि फेसबुकमा भिडियो अपलोड गरेपछि पत्रकार रमेस बोहोराले उनको पहिचान गरेर घरपरिवार सँग सम्पर्क गराईदिएको वडा अध्यक्ष खत्रिले रेडियो बिहानीलाई बताए ।
लामो समयसम्म छोरी बेपत्ता हुँदा उनको माईती तथा घर परिवारमा मुद्धामामिला समेत चलेको खत्री बताउनु हुन्छ । खत्रीका अनुसार बेपत्ता दिपाले बाबा आमा लगाएत घर परिवारका सदस्य सँग प्रतक्ष भिडियो कुराकानी गरेकी छन ।उनको साथमा अहिले साढे ३ बर्षकी छोरी रहेकी छन ।
« चलचित्र ‘जातको कथा’ सारङगी टि.भि युट्युब च्यानलबाट सार्वजनिक «
