लागु पदार्थ दुव्र्यसनी विरुद्ध अखिल छैठौंको प्रशिक्षण बरेङमा ।
केशब राज क्षेत्री, बरेङ । २९ श्रावण २०७५ । राष्ट्रिय जनमोर्चाको भातृ संगठन अखिल नेपाल राष्ट्रिय स्वतन्त्र विद्यार्थी युनियन छैठौँले बागलुङको बरेङ गाउँपालिकामा भेला तथा प्रशिक्षण कार्यक्रमहरु सम्पन्न गरेको छ । छैठौको जिल्ला समिति बागलुङले चलाएको लागु पदार्थ दुव्र्यसनी विरुद्धको अभियान अन्र्तगत मङलबार बरेङ गाँउपालिका स्थित सर्वोदय माध्यमिक विद्यालय बरेङमा प्रशिक्षण तथा भेला सम्पन्न भएको हो ।
समाजमा भएको अन्धविश्वास विकृति विसङगतिको विरुद्धका साथै लागु पदार्थ दुव्र्यसनीले समाजमा पार्ने नकारात्मक असरबारे बताउँदै सचेत बनाउन यस्तो कार्यक्रमको आयोजना गरेको संगठनले बताएको छ ।
छैठौँले विगतका वर्षहरुबाटनै समाजका राम्रा नराम्रा पक्षलाई प्रष्टाउँदै विभिन्न विद्यालयका विद्यार्थीसामू सचेतनामूलक कार्यक्रमहरु गर्ने गरेको छ । आउँदो असोजमा हुने राष्ट्रिय सम्मेलनको तयारीका लागि गाँउ तथा शहरका विद्यालयहरुमा सङगठन विस्तार गर्दै मङलबार सर्वोदय माध्यमिक विद्यालयमा आशिष गुरुङको अध्यक्षतमा ५१ सदस्यीय इकाइ कमिटि गठन गरेको छ जसको उपाध्यक्षमा बुद्धि थापा, सचिवमा लक्ष्मी गलामी, सहसचिवमा प्रकाश थापा र कोषाध्यक्षमा जुनु काउचा चयन भएका छन् ।
भेलामा अखिल छैठौ जिल्ला समिति बागलुङका उपाध्याक्ष दिलिप बुढाथोकीले प्रशिक्षण गर्नुभएको थियो । त्यस्तै छैठौले सोमबार बरेङ गाउपालिकाकै वडा नं. १ स्थित धुल्लु लियवा माध्यमिक विद्यालयमा सुशिल परियारको अध्यक्षतामा ४१ सदस्य इकाइ कमिटि गठन गरेको छ ।
प्रशिक्षण तथा भेला कार्यक्रमलाई गाउँपालिकाका अन्य वडाहरुमा पनि निरन्तरता दिईने उपाध्यक्ष बुढाथोकीले रेडियो बिहानीलाई बताए ।
