बरेङका अग्नि पीडितलाई बरेङ बजार व्यवस्थापन समितिको राहत
दिपेन्द्र परियार।बरेङ। २४ असोज ०७७।अग्नी पिडित बरेङ गाँउपालिका वडा न १ बास्कोटका रामकुमार बि क लाई बरेङ बजार समितीले राहत रकम प्रदान गरेको छ ।
बजार समितीका अध्यक्ष ललित पाध्या र सचिब कासीराम बिकको पहलमा बरेङ बजारमा रहेका स्थानिय ब्यापारी ,बुद्धिजिबी समाज सेवी , लगाएत बिभिन्न ब्यक्ति हरु बाट संकलन गरिएको नगद रु १० हजार १ सय २१ रुपैयाँ शनिबार प्रदान गरेको बजार ब्यबस्थापन समितीका अध्यक्ष ललित पाध्यले बताउनु भयो ।
त्यस्तै बरेङ बजार समितीका सचिब तथा स्थानिय ब्यापारि कासीराम बिकले १ पोका चामल १ किलो नुन १किलो दाल १ किलो चिनी १ लिटर खाने तेल गरेर रु १ हजार ९ सय २५ बराबरको खाध्यान्न सहयोग प्रदान गर्नुभएको छ । बुधबार साँझ भएको आगलागीका कारण बिकको दुई तले कच्चि घर जलेको हो । आगलागीबाट झण्डै पाँच लाख रुपैयाँको क्षति भएको अनुमान छ ।
« चन्द्रकोट गाउँपालिकाद्वारा विषयगत हाजिरी जवाफ रेडियो कार्यक्रम सञ्चालन हुँदै «
» बराहकोट परेरिवाङ देउराली गल्कोट हुदै बाग्लुङ जोड्ने सडक शनिबार देखि सञ्चालन »
