कोरोना संक्रमणका कारण कालिगण्डकी गाउँपालिकामा संक्रमणको स्थिति भयाबह बन्दै

गत जेठ ५ गते विभिन्न वडाका १ सय ७३ जनाको स्वाब संकलन गरि परिक्षण को लागि तम्घास पठाइएको मा थप ६७ जनालाई कोरोना संक्रमण पुस्टि भएको छ। थपिएका संक्रमितहरु वडा नम्बर ३ मा १ जना, वडा नम्बर ४ मा १३ जना,वडा नम्बर ५ का १ जना र वडा नम्बर ६ का ५२ जना रहेका छन।

यो संगै गाउँपालिकामा सक्रिय संक्रमित को संख्या १ सय ५० जना पुगेको पालिकाका स्वास्थ्य साखा प्रमुख चन्द्र बहदुर थापाले जानकारी दिनुभयो। पालिका मा दोस्रो चरणको कोरोना संक्रमण बाट २ जनाको मृत्यु भएको छ भने ३० जना संक्रमण मुक्त भएका छन। पालिका मा संक्रमित को संख्या बढ्न थालेपछि निशेधाज्ञालाई थप कडाई गरिएको गाउँपालिका ले जनाएको छ। 

समुदाय स्तरमा कोरोना संक्रमण फैलिएकोले अनुसासन पुर्बक निषेधाज्ञा र स्वास्थ्य मापदण्ड पालना गर्न पालिकाले आग्रह गरेको छ।