बरेङ गा.पा.मा मतगणना स्थलको तयारी

२५ वैशाख ०७९ ।बरेङ । बाग्लुङको बरेङ गाउँपालिकामा स्थानीय निर्वाचन तयारी सङ्गै मतगणना स्थलको निर्माण कार्य सम्पन्न भएको छ ।

वैशाख ३० गते हुने स्थानीय तह सदस्य निर्वाचन लक्षित गरेर आइतबार निर्वाचन अधिकृत मनिराम ज्ञावाली सहितको टोलिले मतगणना स्थलको तयारी गरेको हो ।

जनताको अमुल्य मतलाई स्वच्छ र सुरक्षित वातावरणका साथ गणना गर्नका लागि सिसि  क्यामेराको निगरानी हुने गरि पालिकाको केन्द्रमा मतगणना स्थलको तयारी गरिएको निर्वाचन अधिकृत ज्ञावालीले  बताउनुभयो ।  मतगणना स्थलमा बिजुली बत्ति गईहालेमा  विकल्पमा जेनेरेटर, सोलार ब्यापकको व्यवस्था गरिएको सहायक निर्वाचन  अधिकृत जित बहादुर रानाले बताउनुभयो ।