गाँउपालिकाको समग्र विकास र प्रतिगमनलाई परास्त गर्नका लागी गठबन्धनका उम्मेदवारलाई भोट दिनुपर्छ ः सेरपुर्जा
भुमा मगर २६ बैशाख २०७९। गठबन्धनका तर्फबाट बरेङ गाउँपालिका वडा न ५ का अध्यक्षका उमेद्वार अमर शेरपुर्जाले अघिल्लो कार्यकालमा पुरा गर्न नसकेका कामहरु पुरा गर्नका लागी फेरी आफ्नो उम्मेदवारी दिएको बताउनुभएको छ ।
गत कार्यकालमा आफ्नो कामबाट सुखौरावासी नागरिकहरु सन्तुष्ट रहेकादावी गर्दै सेर्पुजाले नागरिककै आग्रह अनुसार पुन वडा अध्यक्ष पदमा उमेद्वारी दिएको बताउनुभयो ।
रेडियो विहानीसंग कुरा गर्दै उहाँले गाँउपालिकाको समग्र विकास र प्रतिगमनलाई परास्त गर्नका लागी गठबन्धनका उम्मेदवारलाई भोट दिनुपर्ने बताउनुभएको हो
साथै बरेङ गाँउपालिकामा पहिलो पार्टी जनमोर्चा र दोस्रो पार्टी नेपाली काग्रेस भएको बताउदै माओवादि केन्द्र समेत गठबन्धनमा आएपछि उहाँले बरेङमा अहिलेको चुनाव गठबन्धनले स्वत जित्ने दावी समेत गर्नुभयो । उहाँले नेकपा एमाले के हो भन्ने कुरा जनताले चिनेको हुँदा र गठबन्धनले गर्दा चुनाव जित्न चुनौती नरहेको बताउनुभयो ।
वितेको कार्यकालमा आफूहरुले बाटो शिक्षा स्वास्थ्य खानेपानी आदिमा जोड दिएर काम गरेको उल्लेख गर्नुभयो । कृषिमा भने आत्मनिर्भर बनाउन नसकिएको र अबको कार्यकालमा सुखौराका जनतालाई कृषि र पशुमा आत्मनिर्भर बनाउने र बसाइसराइलाई न्युन बनाउने लक्ष का साथ लागेको उहाँले बताउनुभयो ।
मौन अवधि भोली राती १२ बजे देखी सुरु हुदैछ निर्वाचनको आचारसंहिता भने प्रतिपक्ष र आफुहरु दुबै पक्षबाट पालना भएको उहाँले बताउनुभयो । तडकभडक गर्ने भोजभतेर गर्ने ,लोभ लालचा देखाउने पर्चा टाँस्ने जस्ता आचारसंहिता उल्लङघन दुवै पक्षबाट नभएको बताउनुभयो ।
« बरेङमा आएका करोडौका योजना मन्त्रालय सम्मै पुगेर अबरोध गर्नेहरु बाट बिकासको अपेक्षा कसरी गर्ने ? «
