बरेङ गाउँपालिकाको नवौं गाउँ सभाको उद्धाटन

०५ असार ०७९ । हुग्दिशिर ।बरेङ गाउँपालिकाको नवौं गाउँ सभाको उद्घाटन भएको छ ।  आर्थिक वर्ष २०७९/८० को नीति बजेट तथा कार्यक्रम   लक्षित गाउँकार्यपालिकाको सभाहल हुग्दिशिरमा संचालित  कार्यक्रममा प्रमुख अतिथी गाउँपालिकाका  पुर्व उपाध्यक्ष दिलकुमारी पुनले आइतबार  दीप प्रज्ज्वलन गरी उद्घाटन गर्नुभएको हो । उद्घाटन सङ्गै उपाध्यक्ष पुनले बिगतका राम्रा कामलाई पछाउदै जानुपर्ने र अब पनि जनताको हित हुने खालका कार्यक्रम गर्नको लागि शुभकामना दिनुभयो ।उहाँले विभेदकारी योजना नलिईकन, सबैले न्याय पाउने गरि काम गर्न सुझाव दिनुभयो । 

प्रमुख अतिथि पुनलाई पालिका अध्यक्षद्वारा  सम्मान तथा बिदाई गरिएको थियो ।

उद्घाटन कार्यक्रम गाउँपालिकाका अध्यक्ष कृष्णप्रसाद शर्माको अध्यक्षता, उपाध्यक्ष दिलिपकुमार पुनको स्वागत मन्तव्य र स्वास्थ्य प्रमुख पदमबहादुर पुनको सन्चालनमा सम्पन्न भएको हो ।