बरेङमा नाईरोबी फ्लाइ जातको किराको संक्रमण भयाबह ः बिरामीलाई नआत्तिन स्वास्थ्यकर्मीहरुको सुझाब
दिपेन्द्र परियार २५ असार २०७९। नाइरोबी फ्लाइ जातको किराको संक्रमण बरेङमा पनि देखिएको छ । बरेङ गाँउपालिका तथा गुल्मीको कालिगण्डकी गाँउपालिकामा समेत नाईरोबी किराको संक्रमण देखिएको बरेङ बजार स्थीत मेडिकलका स्वास्थ्य कर्मीहरुले बताएका छन ।
औसतमा दैनिक १० जना नाईरोबी किराको संक्रमणका बिरामीहरुको उपचार गर्ने बरेङ गाँउपालिकाका जनस्वास्थ्य निरिक्षक पदम बहादुर पुनले बताउनु भयो ।
“नाईरोबी किराको संक्रमणका बिरामीहरु आज मात्रै १३ जना हेरे रेखा फार्मेसीका सञ्चालक देवेन्द्र आर्चायले भन्नु भयो , अस्ती अस्ती त झनै धेरै आईरहेका थिए म सँगको मौजाद औसधीले समेत थेग्ने अबस्था थिएन ।”
बिहानी पोलीकिल्नीकमा समेत यो किराको संक्रमणमा बिरामीहरु बाक्लै आउने गरेको पोलीकिल्नीक प्रमुख नरेस क्षेत्रीले बताउनु भयो । त्यस्तै सरकारी अस्पताल हरुमा समेत संक्रमितहरु पुग्ने गरेका हुग्दिसिर स्वास्थ्य चौकीका हेल्थ असिस्टेन प्रसासन बुढा मगरले बताउनु भयो । उहाँका अनुसार स्थास्थ्य चौकीमा दैनिक २ देखि ३ जना संक्रमितहरु उपचारका लागी पुग्ने गरेका छन । तर बरेङको वडा न ५ सुखौरामा भने अहिले सम्म यो किराको संक्रमीतहरु नदेखिएको सुखौरा स्वास्थ्य चौकी प्रमुख सरला पुनले बताउनु भयो ।
यो किराको संक्रम बढे पनि डराउनुपर्ने अवस्था नरहेको डाक्टरले बताएका छन् ।
मानिसको शरीरमा आएर बस्ने र मानिसले किरालाई हातले फाल्दा किरामा थिचिन गई रस निस्कन्छ । त्यो रसमा रहेको पेडेरिन तत्व एसिडले छालामा सङ्क्रमण गराउँदछ । किरालाई शरीरबाट सजिलै फाल्नसक्ने हो भने सङ्क्रमण नहुने डाक्टरहरु बताउछन । एसिड छालामा लागेपछि २४ घण्टाभित्रमा छाला रातो हुने, बिबिरा आउने, जनैखटिरा आउने, चिलाउने जस्ता लक्षण देखिने गरेको बरेङ बजार स्थित स्वास्थ्यकर्मीहरु बताउछन।
लक्ष्यण देखिएकामध्ये पनि धेरैलाई आफैँ सञ्चो हुने र सञ्चो नभए नजिकैको स्वास्थ्य सस्थामा उपचारका लागि जानुपर्ने हुन्छ ।
