सुखौरामा १५ दिने निशुल्क मगरभाषा कक्षा तथा प्रशिक्षण सुरु
दिपेन्द्र परियार ६ साउन २०७९। मगर समुदायको बाहुल्यता रहेको बरेङ गाँउपालिका वडा न ५ सुखौरामा मगर भाषा संरक्षणका लागी १५ दिने निशुल्क भाषा कक्षा तथा प्रशिक्षण सुरु भएको छ ।
मगरसमुदायको भाषा संरक्षणका लागी नेपाल मगरसंघ बरेङ गाँउपालिका ५ सुखौराको आयोजनामा २ छुट्टा छुट्टै स्थान, महेन्द्र माध्यमिक बिद्यालय तथा कोखार्कमा प्रशिक्षण दिन सुरु गरिएको हो ।
महेन्द्र माध्यमिक बिद्यालयमा बिहान ७ र ११ बजे तथा कोखार्कमा साँझ ४ बजे कक्षा सञ्चालन भएको बरेङ गाँउपालिकाका प्रबक्ता वडा सदस्य तुफान पुनले जानकारी दिनुभयो ।
प्रशिक्षणमा मगर ढुट भाषा सिकाईएको पुनले बताउनु भयो । सुखौराका ६० जना मगर समुदायका ब्यक्तिहरुको सहभागिता रहेको छ ।कालिगण्डकी गाँउपालिका २ लसर्घा बेसी स्याङजाका भिम मास्केले प्रशिक्षण दिनुभएको छ । मगर समुदायको बाहुल्यता रहेको भएपनि यस अगाडि सुखौरामा कोही पनि मगर भाषा बोल्ने नगरेको पुनको भनाई छ ।
