बरेङ गाउँपालिकामा बालविकास सहजकर्ताहरुका लागी ५ दिने क्षमता विकास अभिवृद्धि तालिम आज सोमबारदेखि सुरु
भुमा मगर
१८ बैशाख २०८० ।बरेङ गाउँपालिकामा बालविकास सहजकर्ताहरुका लागी ५ दिने क्षमता विकास अभिवृद्धि तालिम आज सोमबारदेखि सुरु भएकोे छ ।
प्रमुख प्रशासकिय अधिकृत जित बहादुर रानाले व्यानर पढेर तालिमको उद्घाटन गर्नुभयो ।
कार्यक्रममा स्वागत मन्तव्य राख्दै शिक्षा अधिकृत सुर्य प्रसाद शर्माले कार्यक्रमको उद्देश्य माथि प्रकाश पार्नुभएको थियो ।
तालिम अवधिभर स्ट्यान्ड फोर्ड मन्टेश्वरी टिचर टे«निङ सेन्टर काठमाडौंका प्रशिक्षक द्धय प्रेमकुमारी कार्कि र दुर्गा कार्किले प्रशिक्षण दिने शिक्षा अधिकृत शर्माले जानकारी दिनुभयो ।
उँहाका अनुसार तालिमको पहिलो दिन सोमबार २७ जना वाल सहजकर्ताहरुको सहभागिता रहेको थियो ।
तालिमले विद्यालय शिक्षाको आधारशिला रहेको प्रारम्भिक वालशिक्षाका सहजकर्ताहरुको क्षमता अभिवृद्धि गरी गुणस्तर कायम गर्ने अपेक्षा लिइएको शिक्षा अधिकृत शर्माले बताउनुभयो ।
गाउँपालिकाका प्रमुख प्रशासकिय अधिकृत जित बहादुर रानाको अध्यक्षता रहेको कार्यक्रमको सञ्चालन प्रविधिक सहायक विष्णु प्रसाद शर्माले गर्नुभएको थियो ।
गाउँपालिकाको आर्थिक वर्ष २०७९।८० को निति, कार्यक्रम र वार्षिक योजना अनुरुप विद्यालय शिक्षाको आधारशिला रहेको प्रारम्भिक वालविकास केन्द्रहरुलाई थप गुणस्तिरिय बनाउनको लागी बालविकास सहजकर्ताहरुको क्षमता अभिवृद्धि गर्नुपर्ने भएकाले तालिमको आयोजना गरिएको गाउँपालिकाले जनाएको छ ।
» जैमिनिको अर्जेवामा डोको नाङलो बुन्ने तथा बुटिक तालिम सुरु »
