बरेङ गाउँपालिकाद्धारा निःशुल्क लोक सेवा आयोग तयारी कक्षा सञ्चालन
भुमा मगर
०३ जेठ २०८० ।बरेङ गाउँपालिकाले निःशुल्क लोक सेवा आयोग तयारी कक्षा सञ्चालन गरिरहेको छ ।
सोमबारदेखि गाउँपालिकाको सभाहलमा विहान ७ बजेदेखि ९ बजेसम्म तालिम सञ्चालन भइरहेको हो । तालिम एक महिना सम्म चल्नेछ ।
बरेङ गाउँपािलका भित्रका महिला दलित,आदिवासी जनजाती,अपाङ्ग र आर्थिक तथा सामाजिक रुपमा पिछाडीएको वर्गलाई विशेष प्राथमिकतामा राखी तालिम सञ्चालन गरिएको हो ।
तालिमको आज तेस्रो दिन १३ जनाको सहभागिता रहेको र सहभागी अझै बढ्ने गाउँपालिकाका शिक्षा अधिकृृत सुर्यप्रसाद शर्माले जानकारी दिनुभयो ।
लोकसेवा तयारी कक्षा कार्यतालिका अन्तर्गत राजपत्र अनंकित द्धितिय(खरिदार) वा सो सरहको पाठ्क्रम छलफल तथा उत्प्रेरणा कक्षाका लागी एक दिन,सौर्यमण्डल,विश्वको भुगोल र नेपालको भुगोल संबन्धि कक्षा ३ दिन,इतिहाँस (विश्वको र नेपालको) सबंन्धि कक्षाका लागी ४ दिन, नेपालको सामाजिक, आर्थिक अवस्था र शासन पद्धतिको कक्षा ५ दिन,विज्ञान प्रविधि,जनस्वास्थ्य र वातावरण सबंन्धि कक्षा ४ दिन,अन्तराष्ट्रिय सम्बन्ध र समसामयिक विषयवस्तुमा ३ दिन, आधारभुत कार्यालय सीप परीक्षण वा बौद्धिक परीक्षणका लागी ७ दिन र अभ्यास परीक्षा र पृष्ठपोषणका लागी ३ दिनको समयावधि तोकिएको छ ।
बरेङ गाउँपालिकाको आर्थिक वर्ष २०७९।०८० को स्वीकृत कार्यक्रम अन्तर्गत निःशुल्क लोकसेवा आयोग तयारी कक्षा सञ्चालन गरिएको गाउँपालिकाको शिक्षा शाखाले जनाएको छ ।
