स्थानिय तह संचित कोष “सुत्र”मा राजस्व मोडेल संबन्धि आंशिक प्रयोगकर्ताको लागी १ दिने तालिम बरेङ गाउँपालिकाको सभाहलमा सम्पन्न
भुमा मगर
१५ जेठ २०८० ।बागलुङको बरेङ गाउँपालिकामा स्थानिय तह संचित कोष “सुत्र”मा राजस्व मोडेल संबन्धि आंशिक प्रयोगकर्ताको लागी १ दिने तालिम सम्पन्न भएको छ ।
आज सोमबार गाउँपालिकाको सभाहलमा पालिकाका ५ वटै वडाका वडा सचिवहरुलाई तालिम प्रदान गरिएकोे हो ।
हस्तलिखित रसिदको प्रयोग हटाउन र अनलाइनको प्रयोग गरी वडा कार्यालयमा राजस्व भौचर काटिने,वडा कार्यालयको सेवा प्रवाहलाई थप पारदर्शिता कायम गर्न र छिटो छरितो बनाउन सहयोग पुर्याउने हुनाले सबै वडा सचिवहरुलाई तालिम प्रदान गरिएको गाउँपालिकाका शिक्षा अधिकृत सुर्य प्रसाद शर्माले जानकारी दिनुभयोे ।
कार्यक्रमको सहजिकरण गाउँपालिकाकि लेखा प्रमुख संगिता शर्माले गर्नुभएको थियो भने कार्यक्रमको महत्वबारे प्रमुख प्रशासकिय अधिकृत जित बहादुर रानाले प्रकाश पार्नुभएको थियो ।
कार्यक्रमको सञ्चालन प्रविधिक सहायक विष्णु प्रसाद शर्माले गर्नुभएको हो ।
« गणतन्त्र दिवसका अवसरमा बरेङका अभिभावकविहिन बालबालिकाहरुलाई छात्रवृत्ति वितरण «
» सर्वोदय मावि बरेङमा प्रदिप शर्माको अध्यक्षतामा बालक्लव गठन »
