बरेङ गाउँपालिका वडा नं. ३ को वडा कार्यालयको नवनिर्मित भवन राष्ट्रिय सभाध्यक्ष गणेश प्रसाद तिमिल्सिनाद्धारा उद्धघाटन
भुमा मगर
०७ असोज २०८० ।बरेङ गाउँपालिका वडा नं. ३ को वडा कार्यालयको नवनिर्मित भवन समुद्घाटन समारोह आज आइतबार सम्पन्न भएको छ ।
कार्यक्रमका प्रमुख अतिथि राष्ट्रिय सभाध्यक्ष गणेश प्रसाद तिमिल्सिनाले दियो बालेर भवनको उद्धघाटन गर्नुभएको हो ।
कार्यक्रममा बोल्दै प्रमुख अतिथि राष्ट्रिय सभाध्यक्ष् तिमिल्सिनाले बरेङको विकासका कार्यमा आफ्नो सधै साथ र सहयोग रहने बताउनुभयो । साथै उहाँले सुविधासम्पन्न वडा कार्यालयबाट प्रवाह हुने सेवा थप प्रभावकारी हुनु पर्ने बताउनुभयो ।
यस्तै कार्यक्रमका विशिष्ट अतिथि बरेङ गाउँपालिका अध्यक्ष कृष्ण प्रसाद शर्माले संघिय सरकार आएपछि गाउँगाउँमा सिहंदरबार आयो भनेता पनि दरबार काठमाडौमै छोडेर सिँह गाउँगाउमा भित्रिएको बताउनुभयो । उँहाले बरेङ गाउँपालिका भित्रका निर्माणाधिन भवनहरुको भुक्तानि संघिय सरकारबाट नहुँदा स्थानिय सरकार मारमा परेको गुनासो गर्नुभयो ।
समारोह बरेङ गाउँपालिका वडा नं. ३ का वडाध्यक्ष शेर बहादुर खनालको अध्यक्षतामा सम्पन्न भएको थियो ।
कार्यक्रममा पुर्व प्रतिनिधि सभासदस्य सुर्य पाठक,बरेङ गाउँपालिकाका उपाध्यक्ष दिलिप कुमार पुन, शिक्षा अधिकृत सुर्य प्रसाद शर्मा, लगायत पालिकाका जनप्रतिनिधि कर्मचारी वडा नंं २ का वडाध्यक्ष हिरा बहादुर घर्ति, वडा नंं ४ का वडाध्यक्ष किसन बहादुर खत्री, वडा नंं ५ का वडाध्यक्ष अम्मर बहादुर शेरपुर्जा सबै वडाका जनप्रतिनिधि कर्मचारी विभिन्न पार्टिका पार्टि प्रतिनिधि,प्रहरी,पत्रकार लगायत आम नागरिकहरुको उपस्थिति रहेको थियो ।
» माओवादि केन्द्र बरेङ गाउँपालिकाको पार्टि जनसम्पर्क कार्यालय केन्द्रिय सदस्य थापाद्धारा उद्धाटन »
