नेकपा माओवादि केन्द्र बरेङको शुभकामना आदानप्रदान तथा चियापान कार्यक्रम सम्पन्न
भुमा मगर
२६ असोज २०८० ।नेकपा माओवादि केन्द्र बरेङ गाउँ कमिटिले वडा नं ४ सल्यानमा शुभकामना आदानप्रदान तथा चियापान कार्यक्रम सम्पन्न गरेको छ ।
कमिटिले दशैतिहार तथा छठ पर्व विशेष शुभकामना आदानप्रदान तथा चियापान कार्यक्रम आज शुक्रबार सम्पन्न गरेको हो ।
माओवादी केन्द्र बरेङका अध्यक्ष सन्त बहादुर श्रीसको अध्यक्षतामा गाउँपालिकाको वडा नं. ४ र ५ लाई समेटेर कार्यक्रमको आयोजना गरिएको बरेङ गाउ कार्यपालिका सदस्य तथा माओवादी केन्द्र बरेङ गाउँपालिका २ अध्यक्ष काशीराम विकले जानकारी दिनुभयो ।
कार्यक्रममा बोल्दै प्रमुख अतिथि पार्टी केन्द्रिय सदस्य गगन थापाले नीतिगत र संस्थागत भ्रष्टाचारलाई निरुत्साहित गर्ने, जनताको ठूलो संघर्ष र बलिदानबाट प्राप्त समाजवाद उन्मुख संविधान, सघिय लोकतांत्रिक व्यवस्थाको रक्षाको लागि एकतावद्द हुने प्रेरणा मिलोस, भन्दै स्वदेश तथा विदेशमा रहेका सम्पूर्ण नेपालीहरुको जीवनमा खुशीयाली र समृद्धी मिलोस भन्दै शुभकामना व्यक्त गर्नुभयो ।
नेकपा माओवादी केन्द्र संसदीयदलकि प्रमुख सचेतक कुशुम बुढामगरले आफ्नो शुभकामना मंतव्य राख्दै योजना बैंक मार्फत योजना छनोटमा बरेङ गाउँपालिका आफ्नो प्राथमिकतामा पर्ने बताउनुभयो ।
कार्यक्रम माओवादी केन्द्र बरेङका अध्यक्ष सन्त बहादुर श्रीसको अध्यक्षता र मनिष गौतमकोे सञ्चालनमा सम्पन्न भएको थियो ।
