बरेङका कर्मचारीद्वारा सामुहिक कर्मचारी कल्याण कोष संचालन
१६ मङ्सिर २०८० । हुग्दिशिर । बरेङ गाउँपालिकाका ५ वटै वडाभित्र कार्यरत कर्मचारीहरुले सामुहिक कर्मचारी कल्याण कोष संचालनमा ल्याउने भएका छन् ।
गाउँपालिकाको सभाहलमा शनिबार पालिकाका प्रमुख प्रशासकीय अधिकृत जित बहादुर रानाको सम्योजकत्व र पालिकाभित्रका करिब ६० जना कर्मचारीको उपस्तिथिमा कोष संचालन सम्बन्धी छलफल गरी ूकर्मचारी सामुहिक कोष २०८० कार्यविधिू समेत पारित गरेको पालिकाका सूचना अधिकारी केशबराज क्षेत्रीले बताउनुभयो ।
भेलाले पाँच सदस्यीय कोष संरक्षक समिति, पाँच सदस्यीय संचालक समिति चयन गरेको छ । पालिकाभित्र मात्र काम गर्ने कर्मचारीको कल्याणका लागि मासिक बचत गर्ने, ऋण लगानी गर्ने, वार्षिक साधारण सभा गर्ने, वाणिज्य बैंकमा रकम जम्मा गर्ने, लाभांश वितरण गर्ने कार्यविधिमा उल्लेख रहेको छ । विभिन्न आपतकालीन अवस्थामा सापटी रकम चलाउन पाइने, विभिन्न राहतका कोष र विभिन्न नीति नियम तथा कानुनी कुरा कार्यविधिमा समावेश गरिएको सुचना अधिकारी क्षेत्रीले बताउनुभयो ।
कार्यक्रममा पालिकाभित्र बिगत र वर्तमान समयमा दोहोरो भुमिकामा रही काम गर्ने सुनिल क्षेत्री, रकिन्द्र कुमार राम, राज कुमार बोहरा, सुक्मित घर्ती मगर, सुर्यप्रसाद शर्मा,विष्णु प्रसाद न्यौपाने, राजन चालिसे, सङ्गिता शर्मा, प्रकाश चालिसे र सजना थापा गरी दस जना कर्मचारीलाई मायाको चिनो र सम्मान पत्र दिएर समेत सम्मान गरिएको थियो ।
