राधाकृष्ण बचत तथा ऋण सहकारी सस्था लिमिटेड पुर्तिघाट गुल्मीको १२औ वार्षिक साधारणसभा सम्पन्न
दिपेन्द्र परियार ।२४ मङसिर २०८० ।राधाकृष्ण बचत तथा ऋण सहकारी सस्था लिमिटेड पुर्तिघाट गुल्मीको १२औ वार्षिक साधारणसभा सम्पन्न भएको छ ।
शनिवार कालिगण्डकी गाउँपालिकाको पुर्तिघाट बजारमा १२औँ वार्षिक साधारण सभा सम्पन्न भएको हो ।
कार्यक्रममा शुभकामना मन्तव्य दिंदै प्रमुख अतिथि तथा कालिगण्डकी गाँउपालिकाका अध्यक्ष वेद बहादुर थापाले संस्थाले पालिकाको वित्तिय विकासको क्षेत्रमा महत्वपुर्ण योगदान पु¥याएको बताउदै सहकारी संस्थालाई दिगो बनाउन सदस्यहरु एकतावद्ध हुनुपर्ने बताउनुभयो ।
सभामा कालिगण्डकी गाँउपालिका भरिका सम्पुर्ण सहकारी संस्थाहरु,बैंक तथा वित्तीय संघ सस्थाहरु,सबै सरकारी कार्यलयका प्रमुख तथा प्रतिनिधि, लगायतले शुभकमना मन्तव्य दिनुभएको थियो ।
साथै सञ्चालक समितिको तर्फबाट सस्थाका कोषाध्यक्ष शान्ति बि.क ले आ.व. ०७९। ८० को यर्थाथ कार्य प्रगति विवरण तथा आ.ब. ०८०।८१ को अनुमानित बजेट प्रस्तुत गरिएको थियो । त्यस्तै लेखा सुपरिवेक्षण समितिका संयोजक रामहरी शर्माले आर्थिक बर्ष ०७९। ८० को सम्पुर्ण कार्य प्रगातिको विवरण बारे प्रतिवेदन पेश गर्नुभयो । सस्थाका अध्यक्ष सुर्य बहादुर क्षेत्रीले आगामी वर्षको लागी निति तथा कार्यक्रम पेश गर्नु भयो ।
साधारण सभामा आर्थिक वर्ष २०७९÷८० को सहकारीको अनुमानित आय व्यय तथा वार्षिक कार्यक्रम र लेखा समितिको प्रतिवेदन पारित गरिएको थियो ।
संस्थाका अध्यक्ष क्षेत्रीले प्रस्तुत गर्नुभएको प्रतिवेदन अनुसार आव २०७९÷८० मा संस्थाको शेयर पुँजी ५५ लाख १६ हजार रहेको छ । संस्थामा ४ सय ४२जना सदस्य आबद्ध भएका छन् । उक्त अवधिमा संस्थाको जगेडा र अन्य कोषमा ९५ लाख रुपियाँ रहेको प्रतिवेदन सभामा प्रस्तुत गरिएको थियो ।
त्यस्तै संस्थाले २ करोड ५३ लाख निक्षेप संकलन गरी ४ करोड ४५ लाख कर्जा लगानी गरेको छ । सहकारीले सदस्यहरुलाई वित्तिय साक्षरता दिदै सदस्यहरुलाई उत्पादन सँग जोड्न लगानी गर्ने योजना सञ्चालनमा ल्याएको छ । जसअनुसार न्युनतम् ब्याज दरमा सदस्य हरुलाई कृषी ,उद्यम एवं आर्यआर्जनका क्षेत्रमा ५ लाख सम्म बिना धितो ऋण दिने सुविधा रहेको छ ।
साधारण सभाले हाल सदस्यलाई १७ प्रतिशत लाभांश वितरण गर्ने सञ्चालक समितिको प्रस्तावसमेत पारित गरेको संस्थाका सञ्चालक अध्यक्ष क्षेत्रीले जानकारी दिनुभयो छ ।।
साधारण सभामा ६ जना जेष्ठ सदस्यहरुलाई सम्मान गरिएको थियो । यस्तै शेयरसदस्यका छोराछोरीको तर्फबाट सामुदायिक विद्यालयबाट एस.ई.ई.मा तथा कक्षा १२ मा उत्ृकष्ट अंक ल्याउने एकएक जना विद्यार्थी तथा टोल समितीका संयोजकहरु लाई सम्मान गरिएको छ । ५० हजार भन्दा माथिका शेयर धनिहरुलाई प्रमाण पत्र वितरण गरियो ।
कार्यक्रममा कालिगण्डकी गाँउपालिका भरिका सम्पुर्ण सहकारी सस्थाहरु,बैंक तथा वित्तीय संघ सस्थाहरु,सबै सरकारी कार्यलयका प्रमुख तथा प्रतिनिधि,साथै ७ वटै वडाका वडा अध्यक्षहरुको आतित्थ्यता रहेको थियो ।
सस्थाका संचालक समितीका अध्यक्ष सुर्य बहादुर क्षेत्रीको अध्यक्षता सेयर सदस्य गोबिन्द गौतम को सञ्चालनमा कार्यक्रम सम्पन्न भएको थियो ।
« माओवादी केन्द्र बरेङको वडा नं.२ हुग्दिशिरको बाराकोटमा जनभेला सम्पन्न, २१ सदस्यीय वडा कमिटी गठन । «
» पुरुषोदय मावि वरेङ २ वराहकोटको ३ दिने कृषि विशेष भ्रमण कार्यक्रम सम्पन्न । »
