पाँचौ राष्ट्रपति रनिङ शिल्ड प्रतियोगिता बरेङको उपाधि महेन्द्र मावि सुखौरालाइ
भुमा मगर ०८।पुस२०८० ।बरेङ गाउँपालिका स्तरीय पाँचौ राष्ट्रपति रनिङ शिल्ड प्रतियोगिता २०८० को उपाधि महेन्द्र माध्यमिक विद्यालय सुखौराले हात पारेको छ ।
शनिबार बरेङ गाउँपालिका २ काफलबोट स्थित भृकुटि माध्यमिक विद्यालयमा सम्पन्न कार्यक्रमको बरेङ गाउँपालिकाका अध्यक्ष कृष्ण प्रसाद शर्माले उद्घाटन गर्नुभएको हो ।
कार्यक्रममा बोल्दै अध्यक्ष शर्माले गाउँपालिका भित्र रहेका बिद्यार्थीहरुको प्रतिभाको हारजित भन्दा पनि राष्ट्रिय स्तरसम्मको खेलाडी उत्पादनका लागी प्रत्यक वर्ष खेलकूदको आयोजना गरि रहेको बताउनुभएको छ ।
गाउँपालिकाका १० विद्यालयहरुको सहभागिता रहेको कार्यक्रमका विविध विधाहरु तर्फ ९ स्वर्ण, ६ रजत र ४ काश्य पदक प्राप्त गर्दै प्रथम बनेको छ । महेन्द्र माध्यमिक विद्यालयलाई पछ्याउदै भृकुटी माध्यामिक विद्यालय काफलबोटले ८ स्वर्ण, २ रजत र ३ काश्य पदक प्राप्त गरी द्वितिय तथा पुरुषोदय माध्यामिक विद्यालय बराहकोटले ४ स्वर्ण, ४ रजत र ४ काश्य पदक प्राप्त गर्दै तृतिय बन्न सफल भएको छ ।
अन्य विद्यालयहरुतर्फ धुल्लुलिउँवा माध्यामिक विद्यालयले २ रजत, ५ कास्य, सर्वोदय माध्यामिक विद्यालय बरेङले, २ स्वर्ण, २ रजत र ४ कास्य, शारदा माध्यामिक विद्यालय किसिमकोटले २ स्वर्ण, ४ रजत, ४ कास्य, सल्यान सुखौरा माध्यामिक विद्यालयले १ स्वर्ण, ३ रजत र १ कास्य बालविकास आधारभुत विद्यालय बाटाकाचौरले १ रजत, , बाल ज्योति इङ्लिस बोर्डिङ बरेङले १ रजत, १ कास्य प्राप्त गरेका छन् ।
कार्यक्रमको समापन गर्दै पालिका स्तरिय प्रतियोगितामा छनोट भएका विद्यार्थीहरुलाई जिल्ला, प्रदेश र संघसम्म पुग्ने गरी निरन्तर तयारी गर्न पनि पालिका अध्यक्ष शर्माले आग्रह गर्नुभएको छ ।
कार्यक्रम बरेङ गाउँपालिका अध्यक्ष कृष्ण प्रसाद शर्माको अध्यक्षता, गाउँपालिका प्रवक्ता तुफान पुनको स्वागत र गाउँपालिकाका निमित्त प्रमुख प्रशासकिय अधिकृत तथा शिक्षा शाखा प्रमुख सुर्य प्रसाद शर्माको सञ्चालनमा सम्पन्न भएको थियो ।