विद्यार्थीको वास्तविक स्थिति पहिचान गर्न बरेङका ३३ विद्यालयहरुमा निदानात्मक परीक्षा सञ्चालन हुने
भुमा मगर ।
०८ माघ २०८० ।बागलुङको बरेङ गाउँपालिकाले यहि माघ १० र ११ गते गाउँपालिकाभित्र सञ्चालनमा रहेका सामुदायिक तथा संस्थागत विद्यालयहरूमा परिक्षा लिने भएको छ ।
गाउँपालिकाको शिक्षा, युवा तथा खेलकुद शाखाले विद्यालयहरूमा सिकाइ आपुरण गर्न क्षति पहिचान गर्नुपर्ने भएकाले कक्षा ३ देखी ८ सम्मको निदानात्मक परीक्षा सञ्चालन गरिने गाउँपालिकाका निमित्त प्रमुख प्रशासकिय अधिकृत एवम शिक्षा शाखा प्रमुख सुर्य प्रसाद शर्माले जानकारी दिनुभयो ।
परीक्षा माघ १० गते कक्षा ३ देखी ८ सम्मको गणित विषय विहान ११ बजे देखी १२ बजे सम्म र कक्षा ६,७ र ८ को नेपाली विषय पनि सोहि दिन दिउँसो २ बजे देखी ३ बजेसम्म हुने छ भने माघ ११ गते विहान ११ बजे देखी १२ बजे सम्म, कक्षा ३,४ र ५को नेपाली विषय तथा कक्षा ६,७ र ८ को विज्ञान विषयमा परिक्षा हुनेछ । सोहि दिन दिउँसो २ बजे देखी ३ बजेसम्म कक्षा ६,७ र ८ को अङ्ग्रेजी विषयसमेतको परिक्षा हुनेछ ।
परिक्षाका लागी प्रश्नपत्र गाउँपालिकाको शिक्षा, युवा तथा खेलकुद शाखाले गाउँपालिकाका ३३ वटै विद्यालयहरुमा वितरण गरिसकेको जनाएको छ ।
निमित्त प्रमुख प्रशासकिय अधिकृत एवम शिक्षा शाखा प्रमुख सुर्य प्रसाद शर्माले यो परीक्षा उत्तीर्ण र अनुत्तीर्ण हुने नभइ विद्यार्थीको वास्तविक स्थिति पहिचान गरि कमजोर विद्यार्थीलाई थप शिक्षण गरि सिकाइ उपलब्धि वृद्धि गर्नका लागि भएकोले विद्यार्थीलाई ढुक्क भएर आफ्नो क्षमता जे छ सोहि प्रदर्शन गर्नको लागि समेत अनुरोध गर्नुभएको छ ।
परिक्षार्थीहरुले सम्वन्धित विद्यालय बाटै परिक्षा दिन पाउनेछन् । परिक्षा सम्पन्न भइसकेपछि सम्बन्धित विद्यालयका विषय शिक्षकद्धारा कापि परिक्षण गरी एकिकृत शैक्षिक व्यवस्थापन सुचना प्रणाली (इमिस) अनलाइन प्रणालीमा प्रविष्ट गरिने गाउँपालिकाको शिक्षा शाखाले जनाएको छ ।
शाखाले परीक्षा तथा परिक्षण सम्बन्धि अन्यौल भएमा सिकाइ क्षति अनुपुरणका लागी न्युनतम र निदानात्मक परिक्षण साधन सम्बन्धि गाइडलाइन हेर्न र सम्पुर्ण विद्यालयहरुले परिक्षाको नतिजा इमिसमा आगामी माघ १८ गते सम्म प्रविष्ट गरिसक्न भनेको छ ।
