पुरुषोदय मावि बराहकोटमा विज्ञान सामाग्री प्रदर्शनीका विजेता विद्यार्थीहरु सम्मानित
नाम बहादुर थापा ।
१८ ज्येष्ठ २०८१ ।बागलुङको बरेङ गाउँपालिका –२ बराहकोट स्थित पुरुषोदय माध्यमिक विद्यालयले विज्ञान सामाग्री प्रदर्शनी कार्यक्रममा प्रथम स्थान प्राप्त गर्न सफल विद्यार्थीहरुलाई सम्मान गरेको छ ।
बरेङ गाउँपालिकाले गत जेठ १४ गते बरेङ गाउँपालिकाले आयोजना गरेको अन्तर मावि स्तरीय विज्ञान सामाग्री प्रदर्शनी प्रतियोगितामा विद्यालयले प्रथम स्थान प्राप्त गरेको थियो ।
विद्यालयको तर्फबाट सहभागी विद्यार्थीहरु मिलन सुनार,बादल शर्मा र आर्यन रानालाई विद्यालयले आज एक कार्यक्रमको आयोजना गरी सम्मान गरेको हो ।
साथै विद्यार्थीहरुलाई सहजिकरण गरी महत्वपुर्ण योगदान पु्¥याएको भन्दै विज्ञान शिक्षक भुवन घर्ति,सन्तोष श्रीस र मिलन थापालाई पनि विद्यालयले सम्मान गरेको हो ।
विद्यार्थीलाई वैज्ञानिक अन्वेषण,खोज,नव प्रवर्तनप्रति रुचि जगाउन र शिक्षकको थप हौसला बढाउन कार्यक्रमको आयोजना गरीएको विद्यालयले जनाएको छ । कार्यक्रममा बोल्दै विद्यालयका छात्र मिलन सुनारले आफुहरुको प्रयासमा विद्यालयले महत्वपुर्ण सहयोग पु¥याएको भन्दै विद्यालय प्रति धन्यवाद व्यक्त गरे। त्यस्तै शिक्षक सन्तोष श्रीसले विद्यालय प्रशासनको सहयोग र विद्यार्थीहरुको मेहनत र लगनशिलताले विद्यालयले सफलता प्राप्त गरेको भन्दै विद्यालय र विद्यार्थीहरुलाई धन्यवाद व्यक्त गर्नुभयो ।
विद्यालयका प्रधानाध्यापक मन बहादुर श्रीसले सिमित स्रोत, साधन र छोटो समयमा विद्यार्थीको
अथक मेहनतले विद्यालय सफल भएको र आगामी दिनमा विद्यार्थीको वैज्ञानिक खोज, अन्वेषण र नवप्रवर्तनका लागी विद्यालयले निरन्तर सहयोग गर्ने बताउनु भएको थियो ।
कार्यक्रमको सञ्चालन विद्यालयका शिक्षक नाम बहादुर थापाले गर्नुभएको थियो ।
