कालीगण्डकी करिडोरको गुल्मी खण्ड पहिरोका कारण अवरुद्ध,अत्यावश्यक बाहेकका यात्रा नगर्न आग्रह,
भुमा मगर ।
२१ असार २०८१ ।कालीगण्डकी करिडोरको गुल्मी खण्ड पहिरोका कारण अवरुद्ध भएको छ ।
केही दिनदेखि निरन्तर परेको अविरल वर्षाका कारण करिडोरको विभिन्न ठाउँमा पहिरो जाँदा सडक अवरुद्ध बनेको हो ।
सडक खण्डका विभिन्न स्थानहरुमा पहिरो खसेर सडक अवरुद्ध भएको कालीगण्डकी गाउँपालिकाका अध्यक्ष बेद बहादुर थापाले रेडियो विहानीलाई जानकारी दिनुभयो ।
सडक खण्डको बरल्वा, कनौटा,मुल्क लगायतका स्थानमा सडक माथिबाट पहिरो खसेका कारण सडक अवरुद्ध भएको उहाँको भनाइ छ । निरन्तर रुपमा पानी परिरहेकाले पहिरो पन्छाउन नसकिएको अध्यक्ष थापाले बताउनुभयो ।
उँहाले वर्षात नरोकिँदासम्म बाटो खुलाउन सम्भव नभएको बताउँदै निरन्तर पानी परिरहेकाले अत्यावश्यक बाहेकका यात्रा नगर्न आग्रह गर्नुभएको छ ।
« भृकुटी मा.वि वाट एसइइमा उत्कृष्ट नतिजा ल्याउने विद्यार्थी सम्मानित «
» बरेङमा सार्बजनिक सुनुवाई, प्रशासकिय भवन निर्माणमा जग्गा बिवाद बाधक ः अध्यक्ष शर्मा »
