बरेङ बजारमा माघि मेला आजदेखी सुरु
भुमा मगर
२५ पुस २०८१ ।बरेङ बजारमा माघि मेला सुरु भएको छ ।
बरेङ बजारस्थित मनकामना युवा क्लवको ३४ औँ वार्षिकोत्सव तथा माघि मेला २०८१ आजदेखी सुरु भएको हो ।
क्लवका भुपु अध्यक्ष केहरसिंह पुनले रिवन काटेर र संयोजक मिनु पुनले बल सर्भिस गरी भलिवल खेलको उद्धाटन गर्नुभयो ।
मैपासी टिम सिग्धारा र सर्वोदय मावि बरेङ विच भएको उद्धाटन खेलमा सिग्धारा विजेता बनेको छ ।
भोली देखी पुरुष भलिवल प्रतियोगिताका खेलहरु हुने क्लवले जनाएको छ ।
माघि मेलाका अवसरमा साविक अन्तरवाडस्तरिय पुरुष भलिवल प्रतियोगिता ,महिला भलिवल प्रतियोगिता,भुपु भलिवल प्रतियोगिता,खुल्ला नृत्य प्रतियोगिता, गिती नाटक प्रतियोगिता लगायत विविध कार्यक्रम रहने क्लवले जनाएको छ ।
कार्यक्रममा राष्ट्रिय तथा स्थानिय कलाकारहरुको प्रस्तुति रहने छ ।
« कार्यस्थलमा आधारित सिप तथा क्षमता विकास तालिम सम्बन्धी अभिमुखीकरण कार्यक्रम «
