पुरुषोदय माध्यमिक विद्यालय बराहकोटमा शिक्षक विदाई कार्यक्रम सम्पन्न
भुमा मगर
१० जेठ २०८० ।बरेङ गाउँपालिका २ बराहकोटको पुरुषोदय माध्यमिक विद्यालयमा शिक्षक विदाई कार्यक्रम बुधबार सम्पन्न भएको छ ।
विद्यालयमा विज्ञान शिक्षकको रुपमा नियुक्त भई अध्यापन गराउँदै आउनुभएका शिक्षक नविन शर्मालाई बुधबार एक कार्यक्रमको आयोजना गरी विदाई गरिएको विद्यालयका शिक्षक नाम बहादुर थापाले जानकारी दिनुभयो ।
कार्यक्रममा शिक्षक सन्तोष श्रीस,नरिनारायण पौडेल,कक्षा ११ कि छात्रा स्मृति पुन र विद्यालयका प्रधानाध्यापक मन बहादुर श्रीसले मन्तव्य राख्नुभएको थियो ।
कार्यक्रममा बोल्दै विद्यालयका प्रधानाध्यापक श्रीसले विद्यालयमा रहँदा जिम्मेवारीका साथ एउटा कुशल शिक्षकको भुमिका निर्वाह गरेको भन्दै शिक्षक शर्माको प्रशंसा गर्नुभएको थियो ।
शिक्षक शर्माले विद्यालयमा शिक्षण गर्ने क्रममा धेरै कुरा सिक्न पाएको र आगामी दिनमा पनि विद्यालय प्रतिको माया यसरी नै प्रगाद रहिरहने विश्वास व्यक्त गर्नुभएको थियो ।
विद्यालयका प्रधानाध्यापक श्रीसको अध्यक्षतामा सम्पन्न कार्यक्रमको सञ्चालन विद्यालयका शिक्षक नाम बहादुर थापाले गर्नुभएको थियो ।
