रेडियो विहानीका समाचारहरु

बागलुङमा सेयर लगानीकर्ताको उत्साह बढ्यो, तीन महिनामा एघार करोडको कारोबार

बागलुङमा पछिल्लो समय सेयर बजारमा लगानीकर्ताको संख्या वृद्धि हुन थालेको छ । स्टक ब्रोकर नम्बर ५९, दिब्या सेक्युरिटिजले अहिले बागलुङका लगानीकर्तालाई सेयर कारोबार गर्ने प्लेटफर्म उपलब्ध गराई रहेको छ । दिब्याकाे रिमोट वर्क स्टेशन बागलुङमा पछिल्लो तीन महिनामा ११ करोड रुपैंयाको सेयर किनबेच भएको कम्पनीले जनाएको छ ।

बागलुङमा घर भत्किदा २ जनाको मृत्यु

निरन्तरको वर्षापछि बागलुङको गलकोट नगरपालिका-९ बडगाउँमा घरको गाह्रोले च्यापिएर दुई जनाको मृत्यु भएको छ ।

गएराति करिब १ बजेको समयमा घरको पछाडिपट्टकिो गाह्रो भत्तिएपछि एकै परिवारका ७५ बर्षीय जयलाल बिक र उनका नाति १३ बर्षीय छोरा बिबेक बिकको घटनास्थलै मृत्यु भएको इलाका प्रहरी कार्यालय हरिचौरले जनाएको छ ।

संशोधन विधेयक भोटिङमा लैजाने सहमति, चुनावमा सहभागी हुन राजपा तयार

सरकार र राष्ट्रिय जनता पार्टी संसदमा विचाराधीन संविधान संशोधन विधेयकलाई तत्काल निर्णयार्थ पेश गर्न सहमति भएका छन् । यससँगै राजपा प्रदेश २ मा हुने स्थानीय चुनावमा सहभागी हुनेछ ।

सत्तारुढ कांग्रेस, माओवादी केन्द्र र राजपाका शीर्ष नेताहरुबीच शुक्रबार बिहान बालुवाटारमा भएको छलफलमा संशोधन अघि बढाउने सहमति भएको हो । सम्भवत आगामी मंगलबार संशोधन विधेयकमाथि संसदमा मतदान भोटिङ हुनेछ ।

गुल्मीमा लैंङ्गिक हिंसा घटे

जिल्लामा लैंङ्गकि हिंसाका घटनामा कमी आएको छ । गत आर्थिक वर्ष २०७२/०७३ भन्दा आर्थिक वर्ष २०७३/०७४मा लैंङ्गकि हिंसाका घटनामा कमी आएको हो । जिल्ला प्रहरी कार्यालय गुल्मीको तथ्याङ्ग अनुसार २०७२/०७३ मा १३४ घटना भएकोमा आर्थिक वर्ष २०७३/०७४ मा ९५ वटा घटना भएका छन् ।